Բնության զարթոնքը
Լուսաբացին ձյունե գնդերի պես հալվում էին աստղերը։ Արևածագին շառագունում էր արևելքը։ Ամպերի հետ խաղում էին արևի առաջին շողերը։ Երփներանգ ծաղիկները բարձրացնում էին գլխիկները և ժպտում արևին։
Ամեն գարնան ձորակում ծաղկում էին նաև մասրենիները։ Նրանք բացում էին իրենց դեղնակարմիր, սպիտակաթերթ վարդերը։ Արևի պայծառ շողերից տաքանում էին ձորակի քարերը։ Երկարապոչ մողեսները պառկում էին տաքացած քարերին և վայելում գարնան ջերմությունը։
Ամենուրեք նկատելի էր գարնան յուրօրինակ հմայքը։ Բնության զարթոնքը կյանքի էր կոչում յուրաքանչյուր կենդանի էակի։
Առաջադրանքներ
- Տեքստից դո՛ւրս գրիր առաջին նախադասութունը և համառոտիր։
Լուսաբացին ձյունե գնդերի պես հալվում էին աստղերը։
Լուսաբացին հալվում էին աստղերը: - Տեքստից դո՛ւրս գրիր մեկ պարզ բառ և այդ բառով կազմի՛ր մեկական ածանցավոր և բարդ բառ։
արև, արևոտ, արևափայլ - Տեքստի վերջին նախադասությունից դո՛ւրս գրիր մեկ բազմիմաստ բառ և օգտագործի՛ր այլ իմաստով։
Կենդանի էակ, կենդանի
4.Տեքստից դո՛ւրս գրիր հոգնակի թվով դրված երկու գոյական և դրանցով կազմի՛ր մեկ նախադասություն։
Մողեսներ, շողեր:
Մողեսներին երբ դիպչում են նրանք պոչը թողնում են:
Արևի շողերը շատ փայլուն էին:
Գառնիկ Բարսեղյան 